Ադրբեջանը միջոցներ է փնտրում՝ կոծկելու հունվարի 19-ի դիվերսիայի սեփական կորուստները

Ադրբեջանը միջոցներ է փնտրում՝ կոծկելու հունվարի 19-ի դիվերսիայի սեփական կորուստները

hover background

Դիտվել է:
388


Ադրբեջանի պաշտպանության նախարարության պաշտոնական հաղորդագրության համաձայն՝ «հայկական զինուժը հունվարի 21-ի գիշերը դիվերսիոն գրոհ է կազմակերպել ադրբեջանական դիրքերի ուղղությամբ»։ Սա Ադրբեջանի հերթական փորձն է հունվարի 19-ի սեփական դիվերսիայից թե´ միջազգային հանրության, թե´ սեփական քաղաքացիների ուշադրությունը շեղելու։

Ըստ վերոհիշյալ հաղորդագրության՝ «հայկական հետախուզական-դիվերսիոն խումբը հարձակվել է հարավ-արևմտյան ուղղության դիրքերին, կրելով կորուստներ, նահանջել»։

Ռազմինֆոն այս տեղեկության առնչությամբ զրուցեց ՊԲ մամուլի խոսնակ Սենոր Հասրաթյանի հետ։ Վերջինս հաղորդեց. «Ադրբեջանի պաշտպանության նախարարության տարածած տեղեկությունն առ այն, որ հայկական ստորաբաժանումները շփման գծի հարավ-արևելյան Մարտունու ուղղության հատվածում հունվարի 21-ի գիշերը դիվերսիոն գործողություններ են իրականացրել, չի համապատասխանում իրականությանը։ Միանշանակ է, որ վերջին օրերին պաշտոնական Բաքուն նման քայլերով փորձում է հանրության ուշադրությունը շեղել հունվարի 19-ին իրականացրած սեփական դիվերսիայից, որը տապալվեց. հակառակորդը, կրելով մարդկային ու նյութական կորուստներ, հետ շպրտվեց։ ՊԲ ստորաբաժանումներն առաջնագծի ողջ երկայնքով պահպանել են ու պահպանում են հրադադարի ռեժիմը»։

Կարծում ենք՝ չի բացառվում նաև, որ հունվարի 19-ի դիվերսիան կտրականապես հերքելուց հետո Ադրբեջանի ՊՆ-ն, դրա հետևանքով գրանցված իր զոհերի և վիրավորների փաստը տևական ժամանակ կոծկելու հնարավորություն այլևս չունենալով, դրանք ներկայացնելու հարմար միջոց է գտել, այն է՝ «հայկական տապալված դիվերսիոն գործողություն»։ Հավանական է, որ առաջիկայում ադրբեջանական կողմը լուրեր տարածի մտացածին «հայկական դիվերսիայից» տուժած կամ սպանված զինծառայողների մասին։

Նկատենք, որ հունվարի 20-ից առ այսօր Ադրբեջանի ՊՆ-ն հաստատում է առաջնագծում ունեցած 5 վիրավորների փաստը, սակայն ներկայացնում է նրանց որպես այս կամ այն պատճառով գրանցված ոչ մարտական պայմաններում տուժածներ։ Միևնույն ժամանակ ադրբեջանական ստորաբաժանումներն ինտենսիվորեն կրակել են հայկական դիրքերի ուղղությամբ հունվարի 20-ին՝ հրադադարի սեփական խախտումները ներկայացնելով «սահմանին հայկական զինուժի սադրանքների» տեսքով։










Դիտումներ: 388 | Ավելացրեց: AboutAll
Տարածել այս նյութը`(Share)




ս Հարգելի՛ մեկնաբանող, մեկնաբանություն գրելուց առաջ հիշի՛ր, սա հանրային հարթակ է, և ձեր մեկնաբանությունը կարող են կարդալ բոլորը:

Մեկնաբանված է անգամ



Մուտք


Որոնել

Գնահատեք կայքը
Արդյոք հարմար է մեր կայքը ?
Պատասխանել են 110 անգամ

Տվեք հարցեր կայքի ադմինիստրացիային


Մենք ֆեյսբուքում


Գովազդ AboutAll-ում


Ամենաշատ Դիտվածները
500


Ունե՞ք օրվա կադր

Հաշվիչներ Рейтинг@Mail.ru -


Անվճար կայքերի կոնսրուկտոր - uCoz
home